Timooq Mølgaard: Ilisimasaqarsimanngilanga

Qaasuitsup Kommuniani borgmesteriugallartup, Timooq Mølgaardip (A), tallimanngormat kommunalbestyrelsemik ataatsimiisitseriarluarnermi nalaani, borgmester Jess Svane sulinngiffeqarluni angalasoq oqarasuaatikkut ilaaniartoq ilisimasimanngilaa.
septembarip 14-at 2010 07:20

- Oqallittunut akulerummat ilimagisimagaluarpara sulinngiffeqarnini utertillugu oqariartuuteqarniartoq, Timooq Mølgaard, tallimanngormat Qaasuitsup Kommuniani paatsiveerunnertalimmik ataatsimiititseriaraluarneq pillugu taama nassuiaavoq, nangillunilu:

- Ilisimasimanngilara Siumut Inuit Ataqatigiillu borgmester Jess Svanemik tutsuiginnikkunnaarsimasut, Timooq Mølgaard tusagassiuutinut nalunaarummini taama allappoq.

Borgmester Jess Svane, borgmesteriugallartumit Timooq Mølgaardimit aperineqarsimagaluarpoq, sulinngiffeqarnini utertillugu, borgmesteritut ivertinneqarnissani kissaatigineraa. Taamaaliortoqarnissaanulli Jess Svane kissaateqarsimanngilaq.

- Ippassaq Qanoruumi utoqqatsertariaqartunga eqqaaneqarpoq. Isumagalu malillugu uanga massakkuungallartoq misigisimanngilanga utoqqatsertariaqarlunga, Timooq Mølgaard oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq