Timmissat qaratsaminni GPS-eqarput

Timmissat aallartartut najugannaatik ukiut tamaasa qanoq ilillutik nassaarisarneraat sivisuumik paasiuminaatsinneqarsimavoq. Timmissalli sumiissutsimut tupinnaannartumik malussarinnerat misissuinermi nutaami paasineqarpoq - taakkumigooq qaratsami iluanni GPS-eqarput.
Allattoq Carla Davidsen
apriilip 30-at 2012 14:26

Cellet sianiutinut atasut immikkuullarissut - neuroninik taaneqartartut - 53-it - amerikamiut ilisimatusaqatigiit tuit allakkisartartut qarasaanni nassaarisimavaat. Neuronit taakku kajungernartup Nunarsuatsinnit nutsuivianeersunik malussarsinnaapput.

Timmissat aallartartut sianissutsimikkut kajungernartortaqarsinnaanerat taama paasisaqarnikkut uppernarsineqarsinnaavoq, Naalagaaffiup Uumassusilerinermut Katersugaasivianeersoq, Kasper Thorup, nittartakkamut experimentarium.dk-mut oqarpoq.

Tuit karsimut taggariinnarmut, kajungernartoq Nunarsuatsinneersoq taamaalilluni pitarsinnaajunnaarlugu, tuillu inunngutsiminnik sumiissusersiummik GPS-eqartut ilisimatuut taamaalillutik paasivaat.

Kajungernartorli Nunarsuatsinneersoq tuit qanoq-ilillutik malugisarneraat ilisimatuut suli paasiniagassarigaat, nittartakkami experimentarium.dk-mi allaaserineqarpoq. 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq