Timmissat pillugit nalunaarutip nutarterneqarnissaanut naalakkersuisut apeqqutaaginnalerput
Timmissat piniaqqusaaffiinut ulluliunniarneqartussatut piniartut sineriammiit kissaataat najoqqutaralugit, timmissat pillugit nalunaarutip atuuttup nutarterneqarnissaannut, naalakkersuisunut inassuteqaatitut najoqqutarineqarput, taammaammallu naalakkersuisut kisimik apeqqutaalerput.
Allattoq Mads Lynge
aggustip 26-at 2008 05:17
Kale Mølgaard, KNAPK-mi piniartut siunnersuisoqatigiivinut ilaasortaq, suleqatigiissitaliamilu peqataasoq, taama oqarpoq.
Taamaakkaluartoq piniartut piumassutsiminnik siunnersuuteqannginnerat Kale Mølgaardip pakatsissutigaa.
- Immikkoortortaqarfiit ataasiakkaat kissaatiminnik apuussaqartarnikuupput, piniartut peqataanerusariaqaraluarput, soorlu piniarneq pillugu ukioq isumasioqatigiinnermi timmissat pillugit nalunaarut eqqartorneqartorujussuuvoq, nunaminnulli apuukkamik amerlanerpaat ajoraluartumik tusarliutinngillanaasit, Kale Mølgaard oqarpoq.
Suleqatigiissitaliaq sinerissami immikkoortortaqarfinnut paasissutissanik ujartuilluni attaveqartariaqartarsimavoq.
