Timmissat napparsimasut tusindilippassuit toqorarneqarput
Danmarkimi timmissat nappaataat suli ajornartorsiutaavoq. Viborgimi inuussutissarsiutigalugu timmissanik tuniniaasartup timmiaastini qeeerlutuut allallu tusindit arlaqartut toqorartittariaqassavai, paasineqarmat timmissat nappaataannik H 5-imik tunillanneqarsimasut.
Timmissat taakku nappaataat H 5, H5 N 1-imit ulorianannginnerugaluartoq, Inuussutissaqarnermut Aqutsisoqarfik aalajangiivoq, timmissat tamarluinnarmik toqorarneqassasut. Viborgimi timmiaatit tamarmik toqorarneqartariaqarput, timmissat nappaataat iliuuseqarfigineqanngikkuni ulorianartorujussuanngorsinnaammat, aqutsisoqarfik nalunaarpoq.
Fynimi nerlerit qeerlutuuaqqallu 20.000-t qaammat kingulleq H 5-imik nappaateqalersimanertik pillugu toqorarneqarput.