Danmarkimi timmissat nappaataat ulorianartoq H5-mik taaneqartartoq timmissami nujuartami toqungasumi nassaarineqarsimavoq. Timmiaq qallunaatut musvåge-mik taaneqartartoq Sjællandimi Næstvedimi Svinø Strandimi timmiarpassuit aallartartut aqqusaartagaanni nassaarineqarsimavoq. Per Christiansen Fødevareregion Øst-imi pisortaq tusagassiortunik katersuutsitsinermi ullaaq ingerlanneqartumi taama oqarpoq.
Politiit nassaarfigineqartoq allagartalersorlugu killilersuleruttorpaat, illersornissamillu malittarisassani allaqqassaaq timmissat tunisassiarineqartartut nassaarfimmut eqqunneqaqqusaanatillu anninneqaqqusaassanngitsut.