Timmisartuussisarsimanerit pillugu Atassut apeqquteqaateqarpoq
Kalaallit Nunaata silaannartaani timmisartornermut, Kalaallillu Nunaanni mittarfeqarfinnik atuisarnermut nakkutilliineq isumannaallisaanerlu annertusarneqarsinnaaqqullugit Naalagaaffimmi oqartussaasunut saaffiginninnissamut naalakkersuisut pilersaaruteqarnersut, Atassutip inatsisartunut ilaasortaatitaat naalakkersuisunut apeqquteqaatigaat.
Allattoq Mads Lynge
USA-p kilitsissiaqarfiata CIA-p unioqqutitsilluni tigusanik angallassisarsimanera tunuliaqutaralugu Atassutip inatsisartuni ilaasortaatitaat apeqquteqaateqarput.
Kinaassutsiminnik siunertaminnillu isertuussillutik taama ajornanngitsigisumik nunatta silaannartaani Amerikamiut angalasarsimanerat, Atassutikkunnit isumakulunnartinneqarpoq.