AWG2016 Timmisartuussinissat pilersaarutaasutut aallartissagunarput
AWG-mut peqataasussat 1500-t Nuummut silarlukkaluaqisumut pilersaarutaasutut arfininngornermi ualikkut timmisartuunneqalissapput.
Arnakkuluk Kleist AWG Mediacenterimi Hotel Hans Egedemiittumi arfininngormat tusagassiortunik katersortitsinermi taama oqarpoq.
Aamma atuaruk Timmisartuussineq arfininngorpamut kinguartinneqarpoq
- Silap unammillersinnaanera sungiusimagatsigu ikioqatigiilluta iluarsiissutissanik ujartuissaagut, tamannalu Kalallit Nunaanni pikkoriffigaarput, Arnakkulu Kleist tusagassiortunik katersortitsinermi oqarpoq.
Ullup ingerlanerani silarlukkunnaariartorumaartoq Arnakkuluk Kleist aamma oqarpoq. Taamaammat anguniagassatut pilersaarusiaq maanna malinneqarpoq.
- Air Greenlandip aamma Issittumi Sakkutooarfiup suliassatsinnik ikiorpaatigut, taamaammat neriulluarpugut, Arnakkuluk Kleist oqarpoq.
Aamma atuaruk AWG2016-ip pilersaarutai sila pissutigalugu kinguartinneqartut