Timmisartuussinissarpassuit silarlunnera pissutigalugu taamaatiinnarneqartut
TAAMAATIPPOQ, TAAMAATIPPOQ, TAAMAATIPPOQ! Nunatta ilarujussuani ullumi marlunngornermi timmisartuussinissarpassuit pillugit taama allaqqasoqarpoq.
Nuummut nuummiillu timmisartuussinissat tamaasa taamaatiinnarneqarput, taamatuttaarlu Sisimiuni. DMI naapertorlugu, Nuummi Sisimiunilu 25 m/s sinnerlugit anoraasuasarpoq.
Avannarpasinnerusumi, Ilulissani, timmisartuussinissat amerlanersaat aamma taamaatiinnarneqarput, tamanna Air Greenlandip nittartagaani atuarneqarsinnaavoq. Kangerlussuarmulli Aasiannullu timmisartuussinerit ataasiakkaat ullaap tungaani ingerlanneqarput.
Ilulissani kujataasinnerusumut naleqqiullugu anorlertiginngilaq, ualimulli 20 m/s tikillugit anoraasuasarsinnaanera iluliarmiut naatsorsuutigisinnaassavaat.
Kujataani Narsarsuarmit Qaqortumut Narsamullu qulimiguulimmik timmisartuussinerit arlallit ingerlanneqarsinnaasimapput. Ullumikkut silarluppallaanngilaq, aqagumulli silamik ilimasaarut malillugu 25 m/s tikillugit anoraasuarsarsinnaavoq.