Timmisartuussinerit silarlunneranit akornusersorneqartuarsinnarput
Nuummi Kitaatalu sineriaata annersaani aamma ullumikkut anorersuarpoq, tamannalu timmisartuussinerit kinguaattoornerinik kinguneqarluni.
Allattoq Simon Uldum -
- Nuummit Nuummullu timmisartuussinerit pillugit ullumi nal. 15.00-ip kingorna paasissutissiisoqassaaq. Nittartagarput alakkarneqarsinnaavoq, Air Greenland nittartakkamini taama allappoq.
GL 781 Københavnimit Kangerlussuarmukartoq Københavnimit aallareerpoq, timmisartorsuarli Kangerlussuarmi unnuisinneqassaaq, Danmarkiliartussat ataasinngornermi marlunngornermilu aallanngitsoortut utaqqineqassammata, taamaammat GL 782-p Kangerlussuarmit ullumi aallarnissaralua aqagumut kinguartinneqarpoq, Air Greenland taama paasissutissiivoq.