Timmisartuusaartarnera oqaluttuarisaanermut ilannguppoq

Inuit timersuutaanni Air Planemi pissartanngorneriunnermi Erneeraq Lindehann tulleriiginnarni arfinilinni kuultinnappoq, taamaalilluni Arctic Winter Gamesit oqaluttuarisaaneranut - taama amerlatigisunik ujaminnatutut ilanngulluni.
Allattoq Jaaku Lyberth
marsip 09-at 2012 08:29

Arctic Winter Gameseqartoqarnerani unammiuaanerit affaat ingerlanneqarneranni kalaallit unammisartui 21-nik ujaminnapput - Ulunnapput.

Kalaallit sinnerlugit unammiartortut ilaat Arctic Winter Gameseqartalermalli siornatigut anguneqarsimanngitsumik ujaminnappoq - Ulunnappoq.

Inuit timersuutaanni Air Planemi timeq siaarlugu talikkut isikkakkulu illugiinnik kivinneqarluni ingerlanneqartarpoq, sivisunerpaamillu kivitsilluni ingerlanneqartoq ajugaasarluni.

Erneeraq Lindenhann kivillugu ingerlanneqarani meterit 13-it centimeterillu 8-it anguai.
Sølvinnattoq meterit 9-it centemeterillu 46-it anguai, Erneeraq Lindenhannimit meterinik 4-nik naannerusumut pilluni.

Timersuummi Air Planemi pissartanngorniunnermi kalaallit nunaat sinnerlugu unammeqataasoq, Bent Jakobsen normu 3-nngorpoq meterit 9-it centimeterillu 26-it qangataffigalugit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq