Timmisartut pappialaqanngitsut

Maanna timmisartortitseqatigiit ‘Emirates’-ikkut timmisartorsualiatik ‘pappialanik atuiffiunngitsut’ tuniniarnialerpaat.

Timmisartortitseqatigiit timmisartuat nutaaq aggustip aallaqqaataanni Dubai-mit New Yorkimut siullermeerluni ingerlaaleruni atuagassiat pisiassat allatorsimaffii, sillimanissaq pillugu ilitsersuutit aamma nioqqutissat akitsuutitaqanngitsut allattorsimaffii issiaviit tunuiniittaraluartut ilaassanngillat.

Tassami ilaasut paaserusutatik tamaasa fjernsyniusakkut siuninnguaminiittukkut atuarsinnaassavaat.

Timmisartortitseqatigiit naatsorsuutigaat taamaalillutik timmisartortik tonsimik ataatsimik oqinnerulissasoq, taamalu ikummatissamik sipaartoqarsinnaassalluni.

‘Tassami issiavimmut ataatsimut 2 kiilu sipaassavarput, issiaviillu 500-uupput,’ timmisartortitseqatigiiffiup pisortaa ‘The Sunday Times’-imut oqarpoq.