Timmisartut Dash 8 Q400-nik taaguutillit atorunnaassapput

Tamanna siulersuisut immikkut ittumik ataatsimiinneranni aalajangiunneqarpoq, tassa SAS qaammatit marluk ingerlaneranni timmisartut taakku atorlugit pingasoriarluni minnerliortareersorlu.

Kingullermik ippassaq ualikkut Københavnimi minnerliortoqarpoq, tassa timmisartup minnermini assakaasulerfimmi aappaa napimmagu. Minnerliornermi ilaasunik annerusumik ajoqusertoqanngilaq.

- Timmisartunut Q400-nut tatiginninnerput milleriarnikooqaaq, aamma ilaasorisartakkatta timmisartunut taakkununnga ilaanissartik toqqissisimanartinngilaat. Taamaattumik siulersuisut aalajangiinerat naapertorlugu erniinnaartumik atuutilersumik timmisartut taakkua atorunnaarpavut, SAS-ip pisortaanera Mats Jansson Stockholmimi tusagassiortunik katersortitsinermi oqarpoq.

SAS-ip Dash 8-t 27-t pigai, taakkualu 2000-imi januaarimiit atulerlugit.

SAS-ip siulersuisuisa aalajangernerisa kinguneranik timmisartukkut angallanneq piffissami qanittumi timmisartuussinissanit taamaatiinnarneqartunit sunnersimaneqassaaq.

Ilaasussaagaluit eqqorneqartut bilitsertik allanngortissinnaavaat imaluunniit utertissinnaassagaat, SAS ilisimatitsivoq.