Timmisartut aqqartartut uuttortaanermi atorneqassapput
Immap iluani uuttortaanermik atorneqartussat ungasianit aqunneqassapput, taakkua immap iluani 1000 meterinik itigisumi uuttortaasinnaapput, immap tarajoqassusia silaannaqassusialu uuttortartassavaat, aviisi inginiøren taamatut allaaserisaqarpoq.
Angallatit uuttortaanermut atorneqartussat, norskit tusagassiorfiinit, immap iluani timmisartunik taagorneqarput, aammalu qungussutariannguit teknikkimi nutaaliaasumi atortunik taagorneqarlutik. Taakkua 17 millioner kooruninik akeqartut Norgemi ilisimatusarneq pillugu ministerip Tora Aaslandip oqaatigaa.
Immap iluaniinnerminni agguaqatigiissillugu kilometerimik ataatsimik isorartutigisumik ingerlaarsinnaapput, immap sarfarnera apeqqutaalluni, professor Peter M. Haugen Norgep sineriaata imartaanik misissuivimmmi aaqqissuussinermi pisortaq oqarpoq.
Angallatit antenne-nik atortulerneqassapput, immap iluani paasissutissanik nassitsisartussanik. Siornatigut uuttortaanerni umiarsuit angallatigalugit uuttortaasoqartaraluarpoq.
Golfstrøm-ip Norgep sineriaanut sunniutaa uuttortaanermi annertunerusumik paaserusunneqarpoq.
Immat sarfarnerisa silap pissusaanut sunniutai ilisimatuut uuttortaanerminni paasiniarpaat.
Immap iluani uuttortaalluni atorneqartussat angallatit ungasianit aqunneqartartut, nunanit tamanit soqutigineqartorujussuupput, tamannalu silap pissusaa pillugu iliuuseqarnermut neriunaateqarluartoq, Norge-mi ilisimatusarneq pillugu ministeri Tora Aasland qanittumi Norge-mi TV2-mut oqarpoq.
