Timmisartut aallarnissaat arlalissuit SAS-ip ullut pingajussaa taamaatiinnartariaqarpai
Tamatumunnga pissutaavoq timmisartut Dash-8-400-t timmisartuutileqatigiiffiup ulluni kingullerni ajornartorsiutigimmagit. Timmisartup assakaasoqarfii nutaanngilillutik nungullarsimapput.
Københavnimiit Københavnimullu timmisartuussinissaraluit 82-it SAS-ip ullumikkut taamaatiinnartariaqarpai. SAS Sverigimi aamma immikkoortortaqarpoq, Sverigiliarnissallu 28-t aamma taamaatiinnartariaqarput.
Danskit 4000-init amerlanerit svenskillu tusindterpaaluit taamaatitsiinnarnernit eqqugaapput. Københavnimiit timmisartuussinissanik taamaatitsinerit Danmarkip iluani timmisartuussinernik eqquiinnanngillat, oqareernitsitulli Kalaallit Nunaannut, Norgemut Tysklandimullu timmisartuussinissat aamma eqqorneqarput.
Københavnimiit aallartussaagaluit ilaasa billitsitik allanngortittariaqartarpaat, SAS-ip timmisartuutaanut allanut imaluunniit timmisartuutileqatigiiffinnut SAS-ip unammillertaanut billitsisisariaqartarlutik.
Timmisartuutileqatigiiffissuup SAS-ip timmisartut Dash-8-400 27-t timmisartuutigai, taakkunannga marluk ajornartoorlutik ungasinngitsukkut mittariaqalerput. Danmarkimi Dash 8-40013-it atorneqarput.