Timmisartup nunnitsinnissaa naalakkiutigineqarsimavoq
Timmisartoq nakkarmat, timmisartumi ilaasut tassalu, Polen-imi atorfilittat qaffasissimasumik innissisimasut 96-it Præsidentilu tamarmik ajunaarput.
Timmisartup nakkarneranut russit oqartussaasui misissuisuupput, misisuisunilu aqutsisuuvoq Tatijaana Anodina.
Timmisartup nakkannginnerani Polen-imi atorfillit qaffasissumik inissisimasut aammalu Polen-imi sakkutuut timmisartortuisa pisortaat timmisartup aquttarfianiinnerat, minnerunngitsumillu timmisartumi ilaasuni pingaarnersaasoq, tassalu præsident Kaczynskip timmisartup nunnitsinneqarnissaanut timmisartumi sulisut aquttullu pisussaaffilerneqartutut inissisimasimmaput, tamatumalu kinguneraa pissutsit qanorluuniit ikkaluartut timmisartup nunnitsinneqarnissaanut aalajangertariaqarsimallutik, Tatijana Anodina timmisartup nakkarneranut misissuisitsinermi aquttoq oqarpoq.
Polen-imiut timmisartuat siorna nakkartoq, Rusland-imi mittarfimmut Smolensk-imut nunniniartillugu timmisartumi aquttut arlaleriarlutik nalunaarfigineqarput, Smolenske-mi mittarfimmi sila ajorneranik, taamaakkaluartoq timmssartumi aquttut isaasalerlugu aalajangerput, timmisartunut mittarfimmut allamut nunissanngitsut, tamatumalu kinguneralugu, timmisartoq Smolenskip mittarfia tikinngilaarlugu nakkarmat, Ruslandimi timmisartup nakkarneranut misissuisitat aqutsisuat Tatijaana Anodina oqarpoq.
