Timmisartup nakkartup suluusai misissorneqarsimanngillat

Timmisartoq Madridimi qaammat kingulleq annilaarnaqisumik nakkarmat inuit 154-it ajunaarnerat pinngitsoorsimasinnaagaluarpoq, timmisartup suluusaasa sinaakkutai qiversartullit timmisartuutileqatigiiffimmi sulisunit pisarnertut misissorneqarsimagaluarpata.
Allattoq Louise M. Kleemann
septembarip 16-at 2008 13:18

Ajutoornerit pillugit ataatsimiititaliap nalunaarusiarigallagaa, Politiken naapertorlugu, Spaniami aviisip, El Pais-ip, pissarsiarisimavaa, taannalu issuarlugu aviisimi allaaserineqarpoq.

Timmisartup Spanairip, SAS-imit pigineqartup, suluusat sinaakkutai qiversartullit, nalunaarusiaq naapertorlugu, nalinginnaasumik misissorsimanngilai, naak timmisartunik nioqqutissiortut tamanna ukiuni 20-ni kingullerni piumasarisareeraluaraat.

Ajutuulernermi kalerrisaarutit timmisartup qangattannginnerani timmisartortartup misissorsimagaluarpagit ajunaarneq pinngitsoorsimasinnaagaluarpoq, Ajutoornerit pillugit ataatsimiititaliap nalunaarusiaani allassimavoq.

Nalunaarusiaagallartumi inernerit eqqortuunersut misissuinissani aggersuni paasinarsissappat, timmisartut qangattannginneranni tamatigut misissuisoqartarnissaa Ajutoornerit pillugit Nunarsuaq tamakkerlugu Ataatsimiititaliap piumasarisinnaavaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq