Timmisartup nakkartup aseqqukui Zagrosip qaqqaani nassaarigaat
Iranimiut timmisartuata Iranip kujataata-kippasissuani qaqqat uiguleriinni Zagrosimi sapaatiummat nakkartup aseqqukui nassaarineqartut, AP naapertorlugu tv-qarfiup Press TV-p oqaluttuaraa.
Allattoq Ritzau
februaarip 19-at 2018 10:01
Nutserisoq Ivik Kristiansen
TV-qarfik naapertorlugu annaassiniartartut timmisartumut ataasinngornermi ullaakkut apuupput. Inuit 65-it ajunaarsimanissaat aarlerigineqarpoq.
Timmisartup nakkartup ujarneqarnera sakkortuumik perserneranit ajornarnerulersinneqarpoq. Qulimiguullilli qaqqanut nakkarfiusunut ataasinngormat ullaakkut aallartinneqarsinnaasimapput.
Annaassiniartartut 100-t missaanniittut ujaaseqataapput.
Ilaasut 60-iusut inuttallu arfiniliusut siullermik nalunaarutigineqaraluarpoq, ataaserli ilaanissaminut angumersisimanngitsoq irannimi tusagassiuutit sapaatiummat allaaseraat. Tassalu 65-it timmisartumut ilaapput.
/ritzau/AP
