Timmisartup iluani pujorsunni

Takuneqarsinnaanngikkaluartoq taamaattoq Air Greenlandip timmisartuani Dash 8-mi Narsarsuarmiit Nuummut ilaasut timmisartup iluani pujorsunni naamasinnaasimavaat. Timmisartup minnerani qatserisartut piareersimatinneqarput.
Allattoq Noah Mølgaard
maajip 27-at 2011 17:11

Air Greenlandip timmisartuutaani Dash 8-mi atortut ilaat pujuliuleraluarpoq, timmisartoq 38-nik ilaasoqarluni Narsarsuarmiit Nuummut tallimanngornermi ualikkut ingerlaartillugu. Timmisartup inuttai aalajangersimapput Nuummut ingerlaannarniarlutik ajoratillu nalunaaqutaq 16.50 Nuup mittarfianut mipput, ajutoortoqassagaluarpat qatserisartut sillimaqqissaartut.

- Timmisartup iluani putsumik ersittoqanngilaq. Timmisartullu minnerata kinguninngua ilaasut aammalu ilaasut aallariartortarfimmiittut ataatsimut ilisimatitsissuteqarfigineqarput. Teknikerillu maannakkorpiaq timmisartup iluani pujorsunninneranut peqqutaasoq paasiniarpaat. Qularnaatsumik oqarsinnaanngilagut, maannamullu paasisatuarput tassaavoq timmisartup innaallagissamut aqqutaata puuisa iluani atortut elektriskiusut ilaata kissattoorsimanera pujorsunninnermut pissutaasimassasoq, Christian Keldsen, niuernermut pisortaq oqarpoq.

Air Greenland aamma nalunaarpoq ilaasut psykologimik oqaloqateqarnissamut pisariaqartitsisut saaffiginnissinnaasut oqarasuaatit normu 343176 imaluunniit 343177 atorlugit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq