Timmisartumut ilaasussat ilaasartaammik ilaallutik anngupput

Tamatuma kinguneranik ilaasussat 50-it missaanniittut Ilulissanut Uummannamullu suli apuussimanngillat.

Ulluni tulliuttuni silassamik ilimasaarutit pitsaanerunngimmata, ilaasussat apuussinnaajumallugit Air Greenlandimit DiskoLinep ilaasartaataa ‘Najaaraq Ittuk’ attartorneqarpoq.

‘Najaaraq Ittuk’ ullaaq manna arfinernut Uummanniarluni aallarpoq, unnugulu arfineq pingasunut qiteqquppat Uummannamut apuunnissaa naatsorsuutigineqarluni.

Unnugu nalunaaqutaq arfineq pingasunut ‘Najaaraq Ittuk’ Uummannamiit Ilulissanut ingerlaqqissaaq aqagulu ullaakkut – juulip sisamaani – arfineq pingasunut qiteqquppat tikinnissaa naatsorsuutigineqarluni.

Ilaasussat Uummannameersut, Ilulissaniit ingerlaqqittussat, Air Greenlandip Ilulissani allaffeqarfianut saaffiginneqquneqarput.

Ilulissat Upernaviullu akornanni timmisartuussiniarneq aamma ajornartorsiorfiuvoq, tassa ilaasussat aamma ingerlariaqqinneq ajuleqqammata.

Air Greenlandimit taavani sila malinnaaffigeqqissaarneqarpoq, silalu timmisartorfissanngorniariarpat timmisartuussisoqarniarpoq.