Timmisartumut ilaasussat 30-t Kangerlussuarmi unnuisariaqalersut
Kangerlussuarmi erseqqarlunnera, Kangerlussuarmilu timmisartoqarfimmilu timmisartut ingerlaarnerinut nakkutilliissutit aserorsimanerat pissutigalugit, issimasut Ilulissiartinneqartariaqarsimapput.
Nakkutilliissutit aseroraluartut Mittarfeqarfinnit nalunaaquttap-akunnialunngui qaangiummata iluarsineqarsinnaasimapput, timmisartorsuarmulli ilaasussat Ilulissaniit Kastrupiliartussamut angumersisinnaajunnaareersut tamanna pivoq.
- Timmisartoqarfinni teknikkikkut ajornartorsiortoqartillugu kinguaattoornerit Mittarfeqarfiit akisussaaffigaat. Una pisoq aamma taamaappoq. Teknikkikkut suna ajoqutaanersoq maanna paasineqareerpoq, sunalu tamarmi aaqqinneqareerluni. Akisussaaffik tamaat tigujumavarput, ilaasussaagaluillu 30-t, Kangerlussuarmi maanna unnuisariaqalersut, utoqqatserfigaavut, Mittarfeqarfinni pisortaq, Jens Lauridsen, oqarpoq.
Ilaasussat eqqugaasut Ilulissaniit ullumi Kangerlussuarmukaanneqarput, maannalu tassa sisamanngornerup tungaanut Kangerlussuarmiittariaqassallutik.