Timmisartuaraq nakkarpoq
Timmisartuaraq Alaskap kujasissuani ullumi nakkarsimasoq, TV-qarfimmit CNN-imit ilisimatitsissutigineqarpoq.
januaarip 06-at 2008 17:05
Timmisartoq qeqertap Kodiakip avatinnguani imaanut nakkarpoq. Timmisartoq qulinik issimasoqarsimavoq, taakkunannga arfinillit ajunaarput, sisamat akornusinngitsut.
Timmisartoq qangattarsimatsiaannartoq timmisartumik ingerlatitsisup radiokkut nalunaarutigaa timmisartumik ajornartorsiuteqarluni. Uterniarluni misilikkaluarpaa, apuunnanili tassa nakkarpoq.
Timmisartup nakkarfianut qanittumiissimavoq angallat sukkasuuliaq, taassumalu tassa issimasut sisamat annaassinnaasimavai. Annattut tallimarigaluat nunamut nalunniarsarigaluarluni apuutinngitsoorluni ajunaarpoq.
Annattut tamarmik ajunngillat, pingasulli napparsimmavimmi suli uninngallutik.
