Timmisartorsuup nakkarneranut misissuinissaq neriorsuutigineqarpoq
Avanersuarmi Amerikamiut sakkutuuisa timmisartuata 1968-imi nakkarnerata kingorna qinngornernik ulorianartunik qinngorneqarsinnaanera pillugu folketingimi kalaallit nunaat pillugu ataatsimiititaliaq danskit peqqissutsimik ministeriannik Jakob Axel Nielsenimik ullumi ataatsimeeqateqarpoq.
Allattoq Lotte Holm
februaarip 26-at 2009 13:51
Jakob Axel Nielsen neriorsuivoq Thulep eqqaani najugaqartut peqqissusiannik misissuisitsineq danskit naalakkersuisuinit aallartinneqarumaartoq.
Thulep eqqaani plutoniumimit pisumit mingutitsisoqarsimasinnaaneranik avanersuarmi innutaasut toqqissisimannginnerat Jakob Axel Nielsenip paasissinnaanerarlugu aalajangernermut tunngavilersuutigaa.
Mingutitsisoqarsimasinnaanerata siornatigut misissuisimanerit tamanna takussutissaqartinneqanngikkaluaraat danskit naalakersuisui misissuisitsiniarlutik neriorsuipput.
Timmisartorsuup nakkarnerata kingorna saligisimasut misissuiffigineqaqqinnissaat peqqissutsimut Jakob Axel Nielsenip naalakkersuisup itigartitsissutigaa.
