Timmisartorsuup matui sivikitsumik matoqqatinneqartariaqarsimasut

Politiit timmisartumi nappaammik tuniluuttoqarsinnaaneranut pasilliuteqartoqarnera pillugu Facebookimi quppernerminni ima allapput:

- Inuttaasut isumannaatsuutinneqarnissaat eqqarsaatigalugu piffissami sivikitsumi matut matoqqatinneqarallarput, politiit allapput.

Nunattali nakorsaanerata navianartorsiortitsisoqanngitsoq naliliiffigaa, ilaasullu timmisartumiit niusinnaalerput.

Politiit timmisartumi sulisunik oqaloqateqareernermi kingorna matut matoqqatinneqarnissaat aalajangersimagaat Kalaallit Nunaanni politiit pigaartuisa pisortaata, Anette Ostenfeldtip oqaatigaa.

Nunatta naakorsaanera KNR-imut ilisimatitsivoq, ilaasut ilaat immaqa aattuisinnaasoq timmisartup inuttaasa maluginialersimagaat.

Nunatta nakorsaanera Timmisartup naalagaanit paasissutissat tunulaqutigalugit naliliivoq, timmisartumut ilaasut timmisartoq akornutitaqanngitsumik qimassinnaagaat, immikkullu iliuuseqarnisaq pisariaqanngitsoq.

- Ilaasut inuttalluunniit tunillinneqarnissamut ulorianartorsiunngillat, nunatta nakorsaanera Henrik L. Hansen oqarpoq.