Timmisartorsuaq Airbus Danmarkiliartariaqarsimavoq
Ilaasussat Sisimiuninngaanneersut Airbusimut ilaallutik Danmarkiliartussaagaluarput, Sisimiuninngaanniilli kinguaattooqqallutik.
Atortoq timmisartut mikkiartulernerannut qangattarnerannullu atorneqartartoq Kangerlussuarmiittoq ajoquteqarmat, silalu erseqqarippallaanngimmat, timmisartorsuaq Airbus aallaannartariaqarsimavoq.
Airbusi kingusinaarluni aallarpoq, ilaasussallu Sisimiuninngaanneersut Kangerlussuarmut apuuteqqammersut Airbusi Danmarkiliarniarluni qangattartoq takusinnaasimavaat, silalli erseqqarippallaanngimmat timmisartorsuup aallarnissaa kinguartinneqarsinnaasimanngilaq, ilaasussallu Sisimiuninngaanneersut aqagu ataasinngornermi marlunngorpallu Danmarkiliarsinnaassapput.