Timmisartorsuaq Airbus Danmarkiliartariaqarsimavoq
Juullimi angallannerujussuup kingunerisaanik Københavnip Kangerlussuullu akornanni immikkut ittumik ullumi angallassisoqarpoq, ilaasussalli Sisimiuninngaanneersut Dash-7-ip teknikkikkut ajoquteqarnerata kingunerisaanik Kangerlussualiarnissaat kinguaattooqqasimavoq.
Allattoq Mads Lynge
januaarip 04-at 2009 17:16
Ilaasussat Sisimiuninngaanneersut Airbusimut ilaallutik Danmarkiliartussaagaluarput, Sisimiuninngaanniilli kinguaattooqqallutik.
Atortoq timmisartut mikkiartulernerannut qangattarnerannullu atorneqartartoq Kangerlussuarmiittoq ajoquteqarmat, silalu erseqqarippallaanngimmat, timmisartorsuaq Airbus aallaannartariaqarsimavoq.
Airbusi kingusinaarluni aallarpoq, ilaasussallu Sisimiuninngaanneersut Kangerlussuarmut apuuteqqammersut Airbusi Danmarkiliarniarluni qangattartoq takusinnaasimavaat, silalli erseqqarippallaanngimmat timmisartorsuup aallarnissaa kinguartinneqarsinnaasimanngilaq, ilaasussallu Sisimiuninngaanneersut aqagu ataasinngornermi marlunngorpallu Danmarkiliarsinnaassapput.
