Timmisartornermut Pisortaqarfik misissuisinnaatitaanngilaq
- Timmisartut taamaattut allanit allaassuteqanngillat, allatuullu inuinnaat pigisaattut, inuinnaat timmisartuutileqatigiiffianneersutut Atlantikumik qulaassisartutut isikkoqarput, Kalaallit Nunaanni Timmisartornermut pisortaq, Jesper Juhl oqarpoq. Ammanitta nalaani inuinnaat timmisartuutaat tikikkaangata minnissaat isumagisarparput, orsiinnariarlutillu ingerlaqqittarnerat nalinginnaavoq. Timmisartoq nunamit allameersuuppat politiit akitsuuserisartulluunnit nammineq aalajangertarpaat misissuiffigissanerlugu. Kalaallit Nunaanni Timmisartornermut pisortaqarfik misissuisussaatitaangilaq, Politiit akitsuuserisullu kisimik inatsisit malillugit pisoqarnersoq misissorsinnaavaat, Jesper Juhl oqarpoq.
- Tikittut CIA-meersuusut nalunngikkaluarutsigilluunniit soriarsinnaanngilagut, tamanna politiit suliassarimmassuk, Kalaallit Nunaanni Timmisartornermut pisortaq, Jesper Juhl oqarpoq.
Nunat tamat timmisartornermut aalajangersagaat naapertorlugit timmisartornerit naalagaaffiit arlaanniit pisortatigoortut, pisussaapput naalagaaffiup tikitamik pisortaqarfiannut nalunaassallutik, CIA-meersulli uani pineqartut inuinnaat timmisartuutaannik angalasimapput.
