Timmisartoq pinngitsaalillugu mitsiniarneqarsimavoq
Timmisartoq Ruslandimi minniartilluni nakkarmat, Polenimiut præsidentiat Lech Kaczynski, Polenimiullu nuiamasut allat 95-it ajunaarput.
Timmisartumi karsimi qernertumi immiussat allanneqarneranni paasinarsivoq, timmisartup aquttua silamik pissuteqartumik missinnaanngikkaluartoq, pinngitsaalillugu mitsinniarneqarsimasoq. Polenimi tv-qarfik TVN 24 taama nalunaarpoq.
Karsimi qernertumi immiussat allaganngortinneqarneranni timmisartup naalagaa, timmisartup nakkarnissaa sioqqutitsiarlugu ima oqarsimanerarneqarpoq:
- Timmisartoq mitsinngikkukku toqussavaanga.Timmisartup naalagaata taama oqarnermigut kina pineraa nalunarpoq, taamaattorli ilisimannittut siusinnerusukkulli ilimatsaappaat, præsident Kaczynskip timmisartumi ingerlatsisut mitsinniarlugit immaqa pinngitsaalisimassagai.
Tassami Kaczynskip 2008-mi aggustimi timmisartumi aquttoq Georgiap illoqarfiisa pingaarnersaanut Tbilisi-mut pinngitsaalillugu mitsinniarsarigaluarpaa, naak silap ajornera pissutigalugu mittoqarsinnaanngitsoq.
Taamanikkut timmisartumik aquttup præsidenti itigartippaa, timmisartunilu Georgiap sanilianut Aserbajdsjanimut isumannaatsumik mitsillugu.