Timmisartoq nakkartoq
Congomiut timmisartuutaat assartuut 17-inik ilaasoqarluni ullumi Den Demokratiske Republik Congomi illoqarfiit pingaarnersaanni, Kinshasami, nakkarami qaarpoq.
Allattoq Elisa Isaksen
Silaannakkut angallannermi qullersaqarfik takunnittullu taamatut nalunaarput.
Takunnittut ilaat oqaluttuarpoq timmisartoq mittarfiup eqqaani piitsut ineqarfii aqqutalugisimagai pujorsimaqalunilu.
FN-ip oqaaseqartartuata amerlasuunik toqusoqarsimanera nalunaarutigaa.
Timmisartoqarfimmi sulisoq Reutersimut oqaluttuarpoq qatserisartut timmisartumiit allamiit timmisartoq ikuallattoq qanillattorniarneqarsimagaluartoq.
- Minnerpaamik illut sisamat ikuallapput inuilu annattoqarsimanavianngillat.
Takunnittut allat oqaatigaat timmisartoq silami niuffaffimmut nakkarsimasoq.