Timmisartoq nakkarmat præsidenti ajunaaqataavoq
Timmisartoq ussissumik putseruttortoq Smolenskimut mikkiartortilluni nakkarpoq, timmisartup orpiit nuui eqqoriarlugit ikuallalermat.
Timmisartup nakkarneratigut timmisartup inuttai ilaasullu katillugit 96-iusut, tamarmik ajunaarput. Præsidentip saniatigut ajunaartut allat ilaatigut tassaapput, Polenip sakkutooqarnikkut qullersai, aningaaserivissuup pisortaa, ilagiit qullersai inatsisartunilu ilaasortat aqqaneq marluk.
Sorsunnersuup aappaani Polenimiut sakkutuui, Sovjetunionip sakkutuuinit toqutaasut eqqaaniarlugit naalagiaqatigiinnissamut, præsidenti malittaalu Ruslandimi Smolenskimut peqataajartoraluarput.
Præsident Lech Kaczynski marluliaqataalu assigerluinnagaa Jaroslaw, piffissap ilaani Polenimi qaffasinnerpaamik atorfeqaraluarput, aappaa præsidentiulluni aappaalu ministeriunerulluni.