Timmisartoq Københavnimut utiinnarpoq
Kangerlussuarmi anorip sakkortuup allanngorartullu Air Greenlandip Airbus-ia Norsaq ullumi missinnaatissimanngilaa. Tamannalu GL781-ip aamma GL782-ip ilaasuisa kinguaattoornerinik nassataqassaaq. Airbus-i maannakkorpiaq Keflavik-imut ingerlaarpoq orsersoreerunilu Københavnimut ingerlaqqissalluni.
Silassamillu nalunaarut naapertorlugu unnuarornissaata tungaanut anorlerallassaaq.
Ilaasussat ullumi aallartussaagaluit aqagu tallimanngornermut nuunneqarput, Air Greenlandip Airbus-i marloriartissammagu. Timmisartuussineq taanna unnukkut pisussaassaaq.
Nunatta iluani Atlantikoq qulaallugu timmisartuussinernut naleqqussakkanik immikkut timmisartuussisoqassaaq.
Sisamanngornermi tallimanngornermilu allakkat nassiussallut ulloq unnuarlu ataaseq kinguaattuussapput. Sisamanngornermi nassiussat tallimanngorpat apuutissallutik tallimanngornermilu nassiussat arfinginngorpat apuutissallutik.