Timmisartoq ilaasartaat Akullersuarmut nakkartoq
Igitsinimiut timmisartuata ilaasartaatip Airbus 320-p Akullersuaq unnuaq qulaakkaalu periarfeerunneqarsimasoq nalunaarutigineqarpoq. Timmisartoq timmisartuutileqatigiiffimmit EgyptAirimit pigineqartoq 66-inik issimasoqarpoq, Igitsinillu silaannartaanut pisimatsiaannartoq periarfeerunneqarluni.
Allattoq Karsten Sommer
maajip 19-at 2016 06:49
Nutserisoq Mads Lynge
Timmisartoq Parisimit Igitsinip illoqarfiisa pingaarnersaannut Kairomut ingerlaaraluarpoq, silaannarmilu angallannermi oqartussat radariinit ullaassaq pingasunut tanneq qulingiluanut periarfeerunneqarluni.
11 kilometerinik qutsitsigisumiitilluni Igitsinillu silaannartaanut pisimatsiaannarluni periarfeerunneqarpoq.
Grækenlandimi oqartussat oqaatigaat timmisartoq periarfeerunneqartoq Grækenlandimiut qeqertaasa ilaata Karpathosip eqqaani nakkarsimasoq. Qeqertaq taanna Igitsinip imartaanut ungasinngitsumiippoq.
Issimasut qanigisaat ilaqutaallu Parisimi mittarfiit annersaannut Charles de Gaullemut Kairomilu mittarfimmut ornigussimapput, pisortatigoortumillu nalunaaruteqartoqarnissaa tassani utaqqillugu.
