Timmisartoq Hudsonip kuussuanut mimmat ilaasut annapput
Timmisartoq New Yorkimit aallarnerminit minutsit tallimat qaangiummata Hudsonip kuussuanut mittariaqarsimavoq.
Timmisartumut ilaasut 155-it tamarmik ajoqusertortaqaratik annaanneqarput. Timmisartumik aquttoq nersualaarneqarpoq, timmisartoq ajutuulersoq torrallallugu kuummut mitsissinnaasimammagu ilaasullu ajoquseratik timmisartumit qimagussinnaasimammata.
Timmisartup motoorianut timmissap pulasimanissaa timmisartup ajoquserneranut patsisaasorineqarpoq.
Timmisartup kuummut minnerata kingorna ilaasut timmisartup suluinukarlutik annapput, ilaasulli ilai kuummut nakkarsimasut annaassiniartunit angallatinillu kuummi angalasunit qaqinneqarlutik annaanneqarput.