USA Timmisartoq Boeing ajornartorsiorluni nunnittariaqartoq

Timmisartorsuit Boeing 737 MAX 8-it piffissami sivisuumi oqallisaapput, sulilu oqallisaassannguatsiarput.
Timmisartoq Californiamut mittarfimmukaanneqartussaasimagaluarpoq aqqutaanili motooriminik ajornartorsiulerami Orlandomut mittariaqalersimavoq. Asseq toqqorsivimmit. Assi © : Benjamin van Waart/Flickr Creative Commons
Allattoq Ritzau
marsip 27-at 2019 08:02
Nutserisoq Bikki P. Kleist

USA-mi timmisartoq Boeing 737 MAX 8 motoorinimik marlunngonermi ajornartorsiorluni mittariaqarsimavoq

Timmisartuussinermi pisortat, FAA taama nalunaaruteqarpoq.

Timmisartup assinga Etiopiami marsip qulingani 157-nik ilaasoqarluni nakkarpoq. timmisartorlu assinga aamma Indonisiami nakkarluni.

Tamatuma malitsigisaanik timmisartut Boeingit Europami USA-llu ilaani timmeqqusaajunnaarsinneqarput.

Timmisartoq Orlandomukaartilluni mittariaqarlersoq ilaasunik angallassisimanngilaq.

Timmisartoq Californiamut mittarfimmukaanneqartussaasimagaluarpoq aqqutaanili motooriminik ajornartorsiulerami Orlandomut mittariaqalersimavoq.

Timmisartortitseqatigiiffiit Boeing 737 MAX-inik mittarfinnut allannut nuussinissamut  FAA-mit akuerineqarput, taamaaliussagunilli ilaasoqannginnissaart piumasaqaatigineqarpoq.

Timmisartup Orlandomut marlunngormat nunnittariaqartup timmisartut nakkartut ajornartorsiutigisaannik ajornartorsiuteqarsimanissaa ilimagineqanngilaq.

/ritzau/Reuters

Aamma atuaruk