Timmiarsuarmik sisamavilimmik takornartamik Australiami nassaartoqartoq
Timmiarsuaq sisamavilik qaasuttuusimasoq 4 meeteringajattut isorartussusilinnik suloqarsimavoq.
Atuagassiap Scientific Reportsip ilanngutassiaani allassimasut naapertorlugit ilimagineqarpoq timmiarsuup sisamavilik dinosaurit ukiut 90 millioninit amerlanerusut matuma siorna uumasoqatigisimassagai.
Timmiarsuup sisamavillip saanikuinik amigaateqarpianngivissunik Australiami aatsaavissuaq nassaartoqarpoq.
Timmiarsuaq sisamavilik ungasissorsuarmunngooq – tassa nunavissuarmiit nunavissuarmunngooq – timmisarsimavoq, tuluit aviisiat The Guardian taama allaaserisaqarpoq.
- Taamaattumik nunami takunnikkaluarutta misigisarput ullutsinni uumasunik arlaannaanilluunniit takunninnitsini misigisatsinnit allaanerujussuussagaluarpoq, Pentland The Guardianimut oqarpoq.
Nutaarsiassaqartitsiviup Reutersip allaaserisaani allassimasut naapertorlugit ilisimatusartut oqaatigaat, timmiarsuup sisamavillip kigutai mikisunik siuaqartut allakkajaajunerat pissuseqatigiiaani nassaarineqarlaatut taaneqarnerannut aalajangiisooqataasimasut.
