Timigissarneq inuusussinarpoq
Arnat 80-inik ukiullit qaammatini tallimani sapaatip akunneranut pingasoriarlugit sungiusartinneqartarsimapput. Qaammatillu tallimat qaangiummata arnat taakku ukiunik qulinik-20-nik inuusuppasinnerulersimapput. Atuagassiami Fokusmagasinemi ullumi taama allaaserinnipput.
Tassa skuut arpaatsit singersornissaannut imaluunniit timigissartarfimmukartalernissamut kingusinaartoqanngisaannarpoq.
- Utoqqalineq nappaataanngilaq, kisiannili issiaannaleraanni sulerinanilu, nukiit nukillaartarput, aallu kaaviiaarnera sakkukillisarluni, sungiusakulaanngikkaannilu utoqqalipallannarpoq, utoqqaat pillugit ilisimatooq, Lis Puggaard, atuagassiami issuarneqarpoq.
Arnat 80-inik ukiullit Odense Universitetimi ilisimatuutut misissuiffigineqarneranni Lis Puggaard akisussaasuuvoq, arnallu 60-iniit 95-it tungaanut ukiullit 1000-it maannamut peqataareerput.
Misissuinerup inernera upernaaru kingusinnerulaartukkut tamanut saqqummiunneqassaaq.
Inuit ullut tamaasa nalunaaquttap akunnerata affaani sungiusartaqqullugit Lis Puggaardip kajumissaarpai, soorlu pisullutik, arpallutik cykilerlutilluunniit, taamaalilluni sukkorneq type 2 uummatikkullu nappaateqalernissaq aamma pinngitsoorneqarsinnaapput.
