Timersortartunut 12.000-inut juullimi tunissut

Timmisartuutileqatigiit timersortartorpassuit illoqarfiit akornanni nunanullumi allanut angalasinnaanngortittaramigit Timersoqatigiit Kattuffiannit nuannaarutigineqaqaaq:

- Tamanna timersortartorpassuarnut tamanut timersortartunullu pikkorinnerpaanut iluaqutaassaqaaq”, GIF-imi generalsekretær Claus Nielsen oqarpoq.

GIF-mi siulittaasup tulliata, Finn Meinelip, tamanna aamma nuannaarutigaa:

-Timersoqatigiit Kattuffiannut taamatut tapersersorneqarneq tamanut aamma iluaqutaalluinnartarpoq. Tassami timersuutinik assigiingitsunik namminneq soqutigisaminnik ingerlatsisunik arfineq-pingasunik kattuffeqarpugut katillugit unammisartunik 12.000-nik ilaasortalinnik, taakkualu tamanna iluaqutigalugulu nuannaarutigisaqaat, Finn Meinel oqarpoq.

Air Greenlandimit nalunaarutigineqarpoq akikilliisarnissarnissaq aningaasanngorlugu 1.600.000 koruuninik naleqartoq, taakkualu Timersoqatigiit kattuffiata ilaasortarpassuani sinnerlugit aqussagai.

- Uagutsinnut takutissallugu pingaarpoq, uagut timmisartuutileqatigiiffimmi inuiaqatigut inuillu allat tamaasa timersornermik nuannarisallit tapersersussallugit, Udo Glashoff Air Greenlandimi aningaasaqarnermut pisortaq oqarpoq.