Timersorneq imigassamut hashimullu saatinneqartoq
Nunatsinni isikkamik arsaalluni pissartanngorniunnerit naammasseqqammersut, GBU-p timersoqatigiiffiullu aaqqissuisuusup takorloorsimasaattut ingerlanngitsoorpoq. Timersornertaa ajoraluartumik tunulliunneqarpoq oqaaserlu kusanaatsuliorneq oqaatsip pissartap atorneqarneratulli atorneqartigaluni. Oqaatigineqartartorli oqaatigineqassaaq, tassalu timersoqatigiiffik nuummeersoq B-67 2013-imi pissartaavoq.
Allattoq Peter Troelsen, Simon Uldum
Ajugaaniutivinnermi B-67-ip G-44 Qeqertarsuarmeersoq ajorsartippaa. Unammineq naammassineqarmat B-67-ermiut malunnartumik nuannaartupilussupput. Unamminerummi inerneri qanittuararsuupput, B-67 3-2-mi ajugaalluni.
Bronzennattut aamma Nuummeersuupput, NÛK-llu unamminermi naligiiffiusumi pissanganartumilu FC Malamuk 2-1-imik ajugaaffigaa. Ajuunneq aalajangiisuusoq unamminerup minutsiini kingullerpaarpaani pivoq.