Tillitarpassuit
Inuusuttut arlallit 18-it ataallugit ukiullit piffissami kingullermi Sisimiuni tillinniaqattaarsimapput ilaatigut tillissimallugit assiliiviit digitalit, fladskærmit, microbølgeovn-it, støvsugerit allarpassuillu. Tillinniat tillitamik ilarpassui tunereersimavaat
Sisimiuni politiit nalunaarput inuusuttut tillinniartarsimanertik nassuerutigereeraat maannamullu paasisat najoqqutaralugit 14-riarlutik tillinniareersimallutik.
Sisimiuni politiit inuttaasut mianersoquaat nioqqutissanik akikitsunit inuinnarnit pisisaqqunagit. Imaassinnaavorooq tuniniarneqartut ilaat tillitaasut taamatullu pisineq pinerluttaalisitsinermi inatsimmik unioqqutitsineruvoq.