Tillinniarneq imminut akilersinnaaneq ajorpoq
Sapaatip akunnerani kingullermi aningaasivimmit tillinniatut pasineqartup aappaa qaammatini pingasuni pinerluuteqarsimasunut inissiisarfimmiittussanngorlugu eqqartuunneqarpoq.
Allattoq Elisa Isaksen
Pasineqartup aappaa sapaatip akunnerata naannginnerani eqqartuunneqassagunartoq Ilulissani politeeqarfiup pisortaa Janus Eigaard oqarpoq.
”Tillinniarneq imminut akilersinnaaneq ajorpoq, inuit tamanna iluarineq ajormassuk”, politeeqarfiup pisortaa erseqqissaavoq. Tillinniat marluk taakkua sapaatip akunnerani kingullermi tigusarineqarput, politiit paasitinneqarnerisa kingornagut.
Tamarmik pisuusutut nassuerput, aningaasalli aamma atoreersimallugit.