Tikkuartuilluni atuagassianngorlugu meeqqanut mikinernut atuakkiaq nutaaq

Atuagaq aamma taaguuteqartoq Takuuk Arnanguak Lyberthimit, Maria Motzfeldtimit Christian Reximillu suliarineqarpoq. Atuagaq Takuuk meeqqanut minnernut atuakkiaavoq tikkuartuilluni atugassiaq kalaallisoortoq.

- Meerartatta oqaatsinik ilikkartagaat siulliit tassaasartut puuluki naasorissaasoqarfillu paasivarput. Nunanit allaneersunik uumasut pillugit atuakkiarpassuaqarpoq, taakku aamma pingaaruteqarput nunatta avataani soqarneranik oqaluttuartuummata. Meeqqalli nammineq silarsuaannit uumasut taaguusersuutillu pillugit nuannersumik isumassarsiorfigineqarsinnaasumillu atuakkamik pisariaqartitsivugut, atuakkanik naqiterisitsisarfik tusagassiorfinnut nalunaaruteqarlunilu taama allappoq.

Nunatsinni uumasut naasullu atuakkami aallaavigineqarput. Takuuk Publishing atuakkamik saqqummersitsinermut atatillugu Nuuk Centerimi marsip arfineq-pingajuani nalunaaqutaq ataatsinut meeqqanut sammisassaqartitsiniarpoq.