Tikaagulliusaarniarneq ammaqqinneqarpoq
Kitaanut tikaagulliusaartassiissutit arfinilinnik ilaneqarput.
Allattoq Elisa Isaksen
Naggasiullugu oqaluttuarisinnaavara naalakkersuisut tikaagulliusaarniarnerup ammaqqinneqarnissaa aalajangersimammassuk.
Naalakkersuisoqarfiup tusagassiorfinnut nalunaarutaani oqaatigineqarpoq tikaagulliusaartassat arfinilinnik amerlineqarnerisigut ukiormanna 16-it pisassiissutigineqartut.
Nutaamik pisassiissutit arfinillit angallatinut tikaagulliusaarniarsinnaanermut piumasaqaatinik naammassinnittunut tikaagulliusaarniarsinnaanermullu akuersissummik pigisaqartunut tamanut paggatassiissutigineqarput.