Tikaagullittassiissutit sinneruttut tamanut ammaanneqarput
Kitaani tikaagulliit qamutilimmik tuukkartalimmik pisassat 16-it qoorortoorsornermilu pisassat marluk kiisalu Tunumi tikaagulliit qoorortoorsorluni pisassat sisamat 2014-imi suli pisarineqarsimanngillat.
Allattoq Simon Uldum -
decembarip 04-at 2014 09:19
- Pisassiissutigineqartut tamakkerneqarnissaat qulakkeerniarlugu, Naalakkersuisuusimasunit allaffissornikkut piginnaatitsissummik tunngaveqartumik, Aalisarnermut, Piniarnermut Nunalerinermullu Naalakkersuisoqarfik aalajangiivoq 2014-imi decembarip tallimaanit atuuttumik tikaagulliit 18-it pisassiissutigineqartunit sinneruttut Kalaallit Nunaata Kitaani kommuninut sisamaasunut ammaanneqassasut tikaagulliillu sisamat 2014-imi decembarip tallimaanit atuuttumik Kalaallit Nunaata Tunuani aqutsiveqarfinnut marlunnut ammaanneqarlutik, Naalakkersuisoqarfik tusagassiorfinnut nalunaaruteqarluni taama allappoq.
- Piniarneq siulersortimik akuersissummik pigisaqartussamik aqunneqassaaq, taassumalu aamma akisussaaffigaa pisap nalunaarutigineqarnissaa.
