Tikaagullittassiissutinik nuussisoqartoq
Aalisarnermut piniarnermullu naalakkersuisup Karl Kristian Krusep KNAPK, KANUKOKA aamma Kommuneqarfik Sermersooq tusarniaffigereerlugit Kitaani qamutilissorluni tikaagullittassiissutinit 20-t qoorortoorsorluni tikaagullittassanut nuunnissaat aalajangerpaa, angallatit qamutilillit tikaagullittassaat maanna 78-it taamaasillutik sinnerupput.
| Qaasuitsup kommunia | 15 |
| Qeqqata kommunia | 3 |
| Kommuneqarfiup Sermersuup Kitaa | 2 |
| Kommune Kujalleq | 0 |
| Katillugit | 20 |
| Nunatta kitaani | 2017-imi pisat | 2017-imi pisassiissutit |
| Qaasuitsup | 0 | 3 |
| Qeqqata | 0 | 3 |
| Sermersooq | 1 | 4 |
| Kujalleq | 1 | 2 |
Nuussinissamut ulluliussaq sioqqullugu piniarneq tamarmi inerteqqutaavoq aatsaallu najukkami aalisartut piniartullu peqatigiiffiannik tusarniaasoqareerpat aamma nutaamik agguaasseqqinneq tamanut nalunaarutigineqareerpat aallarteqqinneqarsinnaalluni.
Kitaani ukiumut tikaagullinnik pisassiissutit 179-iupput, Tunumi pisassiissutit tamakkerlugit 15-iullutik.
Ulloq aggustip ulluisa 28-at killiffigalugu Kitaani tikaagulliit 27-it ataatsimoorluni piniarnermi aamma qamutilinnik tuukkartalinnik piniarnermit tikaagulliit 33-it pisarineqarsimapput, tassalu nuussereernerup kingorna pisassiissutinit 43-it aamma 76-it sinnerullutik. Tunumi tikaagulliit 7-it pisarineqarsimapput pisassiisutit 8-nik sinneqalerlutik.
