Tikaagullittassat sinneruttut paggatassiissutigineqarput
Tikaagulliit qulingiluat pisarineqarnissaannut qoorortoorsortunut ukiup sinneranut paggatassiissutigineqarput.
Allattoq Jaaku Lyberth
novembarip 23-at 2009 15:46
Tikaagulliit pisassiissutigineqartut qulingiluat kitaani kommuuninut sisamanut ullumimmiit paggatassiissutigineqartut, Piniarnermut Aqutsisoqarfimmit nalunaarutigineqarpoq.
Tikaagullinniarsinnaassut tassaapput, inuussutissarsiutigalugu piniarnermut allagartallit kisimik aammalu ikinnerpaamik umiatsiaaqqat tallimat peqataasssinnaapput, nalunaarullu malillugu atortunut piumasaqaatinik piniarnerni tamani naammassinnissimassapput.
Pisarineqartut tamarmik ingerlaannartumik Piniarnermut Aqutsisoqarfimmut oqarasuaammut 26 82 65-mut nalunaarutigineqassasut, Piniarnermut Naalakkersuisoqarfik tusagassiuutinut nalunaaruteqarpoq.
