Ukioq manna tikaagullittassat pisarinngitsuukkat sinnerinik agguaasseqqinneq naammassivoq, tikaagullittassallu arfinillit ataasiakkaarlugit kommuneqarfinnut arfinilinnut pisassiissutigineqarput.
Kommuneqarfiit tamarmik ataatsimik pisassinneqartut tassaapput, Upernavik, Uummannaq, Qeqertarsuaq, Ilulissat, Kangaatsiaq kiisalu Qaqortoq.
Tamatuma saniatigut Illoqqortoormiunut pisassiissutigineqartut marluk Ammassallip kommuneanut nuunneqartut, Piniarnermut pisortaqarfimmit nalunaarutigineqarpoq.
Qamutilissorluni pisassat paggatassiissutigineqartut sinneruttut tassaapput tikaagulliit 21-it kiisalu tikaagulliusaat arfineq marluk.