Tikaagullinniarneq ammaqqippoq

Qamutilissorluni tikaagullinniarneq ammaqqinneqarpoq.

Arfattassanik agguaasartoqatigiit tallimanngornermi 31. august 2007 ataatsimiipput Kitaani qamutilissorluni tikaagullittassat tamarmiusut 132-t agguaateqqinneqarsinnaanerat oqaluuseralugu.

Aallaqqaammut qamutilissorluni tikaagullittassat marlunngorlugit avinneqarput Nuummiit avannamut 100-unut Paamiuniillu kujammut 32-inut. Nuummiit avannamut pisassat 29. august 2007 tamakkerneqarput piniarnerlu unitsinneqarallarluni. Paamiuniit kujammut aallaqqaammut pisassiissutinit 32-nit 31. august 2007-imi 18-it sinnerupput.

Tamanna tunngavigalugu arfattassanik agguaasartoqatigiit aalajangerput Kitaani tikaagullittassat sinneruttut ima agguataarneqassasut pisassat paggatassiissutigalugit:

Angallatinut qamutililinnut kommunini Paamiuniit avannamut angerlarsimaffilinnut tikaagulliit qulingiluat.

Angallatinut qamutililinnut Nanortallip, Narsap Qaqortullu kommuniini angerlarsimaffilinnut tikaagulliit qulingiluat

Septembarip ingerlanerani qoorortoorsorluni tikaagullittassanik sinneruttunik agguaasseqqissinnaaneq isummerfigineqarumaarpoq.

Kitaani tikaagulliusaartassat sinneruttut arfiniliupput.