Tigummigallagaanera sivitsoqqikkaat
Tassalu reykjavikimi eqqartuussiviup angutip januaarip 18-ani ukioq manna tigusarineqarmalli tigumigallagaanera pingajussaa sivitsorpaa.
Angutillu Polar Nanumi inuttaasup parnaarussivimmiinnera allannguuteqarpoq. Sapaatini akunnerini arfinilinni kisimiitsitaalluni parnaarussaaqqareerluni kisimiitsitaajunnaarpoq. Politiimmi misissueqqissaartartuisa suliamut sunniuteqarsinnaassasoriunnaarpaat
Tamanna ilutigalugu Reykjavikkimi parnaarussivimmut allamut angummut isumannaannerusumut nuutsinneqarpoq.
Islandimi nutaarsiassaqartitsivik RUV naapertorlugu, angut kalaaleq parnaarussivimmiittut allat assigalugit atortorissaarutinik atuisinnaalerpoq.
Imminulli illersorniarluni parnaarussivimmiittuniit allanit immikkoortinneqarnissani angutip toqqarsimagaa, RUV allappoq.
Suliamut atatillugu angutit kalaallit marluk tigusarineqarsimapput. Angutilli aappaa iperagaareerpoq Nunatsinnullu angerlareerluni taamaakkaluartorli suli pasisaaqqavoq.
