VIDEO "Tidsrejsen"-imi inuttaq pingaarneq nalaatsornerinnarmik ilaavoq
Danmarkimi juullimut ammartakkami "Tidsrejsen"-imik taaguuteqartumi nuannarineqarluartumilu Bebiane Ivalo Kreutzmann Danmarkimi inunngortoq kalaallimik anaanaqarlunilu Sisimiuni ilaqutaqartoq ammartakkami pingaarnertut Sofiemik ateqarluni inuttaavoq.
- Misigisaq nuanneqaaq isiginnaartitsinermi assut aamma nuannareqaara, Bebiane Ivalo Kreutzmann KNR-imut oqarpoq.
Tidsrejsen qaammatit arfineq marluk immiunneqarsimasoq Politiken allappoq. Iniginnaartitsisartut tusaamasat peqatigalugit immiussisoqarpoq.
- Isiginnaartitsisartut naapillugit assut nuannerpoq pingaartumik isiginnaartitseqatigalugit, Bebiane Ivalo Kreutzmann KNR-imut oqarpoq.
Bebiane Ivalo Kreutzmannip juullimut ammartakkamik oqaluttualiortoq Poul Berg pisiniarfimmiitilluni Føteximi nalaatsornerinnakkut naapinneratigut pingaarnertut inuttanngorpoq. Bebiane Ivalo Kreutzmann isiginnaartitsisartunngornissaminik siunissami takorluugaqareerpoq.