Tibet-imi akerliussutsimik takutitsineq siaruarpoq
Inuit pisinnaatitaaffiinik suliniuteqartut, Tibet-illu Kinamit aqunneqarneranik akerliusut oqarput, akerliussutsimik takutitsineq ukiuni kingullerni 20-ini takutsitsisarnernut naleqqiullugu aatsaat taamak amerlatigisunik peqataaffigineqartoq.
Kinamiut Tibet-imik tiguaanerat akerleralugu ukiut 49-it matuma siornatigut pikitsitsineq malunnartinniarlugu akerliussutsimik takutitsineq aallartinneqarpoq. Tibet-imi illoqarfiit pingaarnersaanni Tibet-imi mattuttut 500-it akerliussutsimik takutitsinerannik aallartinneqarpoq, Kinamiullu tamanna unioqqutitsinertut taavaat.
Nutaarsiassaqartitsiviullu Reuterip tusagassiaa aallaavigalugu mattuttut 600-it isumannaallisaanermut nakkutilliisunit 2000-iusunit, gasimik qulliliornartunik sakkulinnik assersorneqarput.
Tibet-p illoqarfiisa pingaarnersaata Lhasa-p avataani akerliussutsimik takutitsisoqarpoq, tibetimiullu nalunngilaat nunarsuarmioqataasut pisunik malinnaanerat tamatumalu ingerlaannaarnissaat aalajangiusimavaat, Tibet-ip aniguisinneqarnissaannik suliniuteqartoq Matt Whitticase Londonimi najugalik oqarpoq.
