Thulemi sulisartuusimasut sumiginnagaasut
Danskilli oqartussaasuisa qinnutigisimanngimmassuk amerikamiut suli ulloq manna tikillugu taarsiissuteqanngillat.
Thulemi sulisartut ukiut 40-t matuma siornatigut timmisartup nakkarnera malunnartinniarlugu Koldingimi ullumi ataatsimiipput, ataatsmiinnermilu
EU-mi parlamentarikerip Jens-Peter Bondep oqalugiarnernermini taarsiissuteqarsimannginneq aalassassimaaruutigaa.
Danskit naalakkersuisuisa Thulemi sulisimasunut tunngasoq suliap ingerlannera naammaginanngilluinnartoq Jens-Peter Bondep oqaatigaa:
USA taarsiinissaminut piareeqqasoq, danskit naalakkersuisuisa Thulemi sulisuusimasunut taarsiinissaq piumasarinngilaat, tassunga pissutaavoq salluliortoqarsimammat, atomip atorlugu nukissiuutinik Kalaallit Nunaanniittoqannginneraallutik. Qaartartumillu atomitalimmik ajutoorneq pisinnaannginnerarpaat, taamaammallu inunnik ajoqusertoqarani, taamaasillunilu taarsisoqartariaqarani, taama salluliornitik ingerlappaat. Tamanna akuerineqarsinnaanngilluinnarpoq, amerikamiummi ulloq siulleq atomimik ajutoornertut taavaat, sulisutillu ulloq siulleq qinngornermut ulorianartunut illersuutaasunik atisalersorlugit. Danskilli sulisusartui illersuusersorneqanngillat. Danmarkip oqaluttuariisanerani aatsaat taama kannguttaatsuliornermik atuarpunga, Jens-Peter Bonde aalassimaaqaluni taama oqarpoq.
Danskit naalakkersuisui Thulemi sulisuusimasunut utoqqatsertariaqartut Jens Peter Bondep oqaatigaa.
– Inuit uumasullu qinngornernit ulorianartunit ajoquserneqarsimasut ulloq manna takusinnaavagut, Danmarkip oqaluttuarisaanerani kanngunartuliorneq aaqqinneqartariaqarpoq, Jens-Peter Bonde taama raadiuaviisimut oqarpoq.