Thule-mi radarip Europa nakkutigisarinngilaa

Taamatut akissuteqarluni oqarpoq, danskit nunanut allanut ministeri Lene Espersen, folketingimi ilaasortap Lars Emil Johansenip apeqquteqaatanut.

Thule-mi sakkutooqarfik amerikap avannarliup illersorneqarnissaanut amerikamiut missil atorlugit illersuusiornerneqarneranut ilaatinneqarpoq.

Taamaattumik nunat NATO-mi ilaasortaasut missil atorlugu illersuusiorneqarnissaanut Thule-mi sakkutooqarfimmut attuumassuteqarani, Lene Espersen oqarpoq.

Illersoqatigiit NATO rakitsinut illersuusiorniarpoq, nunat soorlu Korea Avannarleq imaluunnit Iran missilit atorlugit pingaartumik Europamut saassusissagaluarpata illersuusiorniarpoq. Illersuutit taakkua ukioq 2020-imi atulertussatut pilersaarugineqarput.

Illersuutit atuulernisaannut aalajangerneq novemberimi Lissabon-imi pivoq, nunat NATO-mi ilasortat aatsimeersuarnerani.